Keyfiyyət Təminatı və Sertifikatlaşdırma Xidmətləri
Şirkətimizin strukturuna daxil olan Certus və Aziso şirkətləri Keyfiyyət təminatı və sertifikatlaşdırma portfeli üzrə fəaliyyət göstərir və müştərilərimizə beynəlxalq standartlara uyğun geniş xidmətlər spektri təqdim edir.
Bu portfel çərçivəsində aşağıdakı xidmətlər həyata keçirilir:
Sertifikatlaşdırma xidmətləri – məhsul və xidmətlərin keyfiyyət və təhlükəsizlik standartlarına uyğunluğunun təsdiqlənməsi, idarəetmə sistemlərinin sertifikatlaşdırılması xidmətləri;
İnspeksiya xidmətləri – müxtəlif sahələrdə məhsul, avadanlıq və proseslərin beynəlxalq və yerli normalara uyğunluğunun yoxlanılması;
Laboratoriya xidmətləri – müasir texnologiyalara əsaslanan sınaq və analizlərin aparılması;
Personalın sertifikatlaşdırılması – işçilərin bacarıqlarının və kvalifikasiyalarının artırılması və sertifikatlaşdırılması;
Gömrük brokerliyi – idxal və ixrac əməliyyatlarında gömrük prosedurlarının səmərəli icrası üçün peşəkar dəstək;
Məsləhətçilik xidmətləri – keyfiyyət idarəetməsi, standartlara uyğunluq, risklərin idarə olunması və biznes proseslərinin təkmilləşdirilməsi sahəsində ekspert dəstəyi.
Certus və Aziso şirkətləri bu sahədə ixtisaslaşmış peşəkar komandası, zəngin təcrübəsi və beynəlxalq tərəfdaş şəbəkəsi ilə müştərilərinə yüksək keyfiyyətli, etibarlı və dəyər katan xidmətlər təqdim edir.
