Şəhid ailəsi "Caspian Capital Group"un kampaniyasında avtomobil qazandı
08.03.2024 cü il tarixində "Quality Event" və "Caspian Capital Group"un birgə təşkilatçılığı ilə "Baku Crystal Hall"da keçirilən festivalda iştirak edən tamaşaçılar arasında stimullaşdırıcı lotoreya yarışı keçirilib.
Keçirilən yarışda qalib şəhid Nəcəf Şükürovun ailəsi avtomobil qazanıb.
Belə ki, bu gün Şərq Bazarında keçirilən təqdimat mərasimində yeni elektromobil avtomobil şəhidin ailəsinə təqdim edilib. Tədbirdə millət vəkili Vüqar İskəndərov, Şərq Bazarı Kompleksinin rəhbəri Fuad İbrahimov, Nərimanov rayonu Vətən müharibəsi iştirakçıları və şəhid ailələri ilə işin təşkili şöbəsinin müdiri Cavid Fərhadov o cümlədən tanınmış ictimaiyyət xadimləri iştirak ediblər.
Şəhid Nəcəf Şükürovun ailəsi "Quality Event" və "Caspian Capital Group" şirkətinə öz təşəkkürünü bildirib və avtomobilin onun üçün gözlənilməz olduğunu ifadə edib.
